Türkmenistanyň Malaýziýadaky (Kuala-Lumpur ş.) Ilçihanasy tarapyndan sportyň kiçi futbol görnüşi boýunça sport çäresi geçirildi

photo

2018-nji ýylyň 21-nji aprelinde “2018-nji ýyl – Türkmenisan Beýik Ýüpek ýolunyň ýüregi” ýyly mynasybetli we 2018-nji ýylyň 5-nji aprelinden 5-nji maýy aralygynda “Sagdynlyk we bagtyýarlyk” atly köpçülikleýin bedenterbiýe-sport we sagdyn durmuş-medeni çäreleriň biraýlygyna bagyşlanyp Türkmenistanyň Malaýziýadaky (Kuala-Lumpur ş.) Ilçihanasy tarapyndan Malaýziýada bilim alýan türkmen talyplarynyň we Malaýziýanyň Döwlet edaralaryň wekilleriniň arasynda sportyň kiçi futbol görnüşi boýunça ýaryş gurnaldy.

Agzalan sport çäresi Malaýziýada ýerleşýän «LIMKOKWING», “INTI”, «SEGI», «UCSI» uniwersitetlerinde we «WESTMINSTER» halkara kollejinde okaýan türkmen talyplarynyň we Malaýziýanyň Döwlet edaralaryndan Ilçihana bilen işjeň gatnaşýan wekillerinden düzülen toparlaryň gatnaşmagynda Malaýziýanyň Selangor ştatynyň Subang Jaýa şäherinde ýerleşýän “Sunway” sport toplumynda geçirildi.

Sport çäresiniň dabaraly açylyşynda oňa gatnaşyjylar 2018-nji ýylda çuňňur hormatlanýan Türkmenistanyň Prezidenti Gurbanguly Berdimuhamedowyň başlangyjy bilen BMG-nyň Baş Assambleýasynyň 72-nji maslahatynyň 82-nji mejlisinde her ýylyň 3-nji iýunyny “Bütindünýä welosiped güni” diýlip yglan etmek boýunça taryhy Kararnama kabul edilendigi we bu resminamanyň kabul edilmeginiň Türkmenistanyň Hökümetiniň sport diplomatiýasyny dünýä giňden ýaýmakda we ösdürmekde amala aşyrýan uly işleriniň biridigi barada tanyşdyryldy.

Kiçi fotbol ýaryşyna gatnaşan oýunçylardan düzülen 4 toparyň arasynda düzgüne laýyklykda, tapgyrlaýyn oýunlar gurnaldy we onuň netijesi boýunça ýeňiş gazanan toparlara hem-de oýunda saýlanan oýunçylara Türkmenistanyň Malaýziýadaky Ilçihanasynyň adyndan höweslendiriji sowgatlar gowşuryldy.