UNESCAP-YŇ 80-NJI MEJLISINIŇ ÇÄKLERINDE TÜRKMENISTANYŇ “BIRLEŞEN MILLETLER GURAMASYNYŇ ARAL DEŇZINIŇ HOWDANY BOÝUNÇA ÝÖRITE MAKSATNAMASYNYŇ DÖREDILEMGINIŇ ŞERTLERINE GARAMAK” ATLY KARANAMASY BOÝUNÇA UGURDAŞ ÇÄRESI GEÇIRILDI

2024-nji ýylyň 24-nji aprelinde Taýland Patyşalygynyň, Bangkok şäherinde geçirilýän BMG-niň Aziýa we Ýuwaş ummany sebitleri boýunça Ykdysady we Durmuş Komissiýasynyň (UNESCAP) 80-nji mejlisiniň çäklerinde Türkmenistanyň “Birleşen Milletler Guramasynyň Aral deňziniň howdany boýunça Ýörite Maksatnamasynyň döredilemginiň şertlerine garamak” atly Karanamasy boýunça ugurdaş çäresi geçirildi. Agzalan çärä BMG-niň Baş sekretarynyň orunbasary, Aziýa we Ýuwaş ummany sebitleri boýunça Ykdysady we Durmuş Komissiýasynyň (UNESCAP) Ýerine ýetiriji sekretary Armida Salsiah Alisjahbana, Türkmenistanyň Maliýe we ykdysadyýet ministriniň orunbasarynyň ýolbaşçylygyndaky wekiliýeti, Täjigistan Respublikasynyň, Özbegistan Respublikasynyň we Gazagystan Respublikasynyň UNESCAP-ky wekilleri, Komissiýanyň öňdebaryjy bilermenleri gatnaşdy.

Çäräniň dowamynda Türkmenistanyň wekiliýeti Aral deňziniň meseleleri we Aral krizisiniň ýetirýän zyýanly täsirlerini gowşatmak, şeýle hem Hereketleriň maksatnamasynyň çarçuwasynda Aral basseýniniň ýurtlaryna ýardam etmek boýunça Türkmenistanda döwlet derejesinde alnyp barylýan anyk işler boýunça prezentasiýa bilen çykyş etdi.

Bu çäre Aral deňziniň meseleleriniň täsirleri hakynda habarlylygy ýokarlandyrmaga gönükdirildi.